流堂受苦節行動分享，是次物資派發，除動用了流堂的社關基金，亦得到《食德好Food Grace》捐贈大批物資。

流堂受苦節行動分享：

感恩上星期五的物資派發中，聽到一些家長報喜訊：  

「就快開學啦，我終於可以甩難。再係咁落去我會精神失常。」  

「我老公岩岩開番工啦，希望唔會有第六波疫情啦。」  

「今日係今年疫情之後第一次帶小朋友出黎，佢地都好開心。」  

「小朋友有得食麥當勞真係超開心，感謝你們。」  

當然，仍有一些憂心的事情需要大家代禱，甚或在未來的行動中支持他們：  

「小朋友身體差左好多，上次去公園行一個圈，然後想去對面街買 野，我個仔話唔去，佢行唔郁啦！」  

「都擔心再開學之後又爆疫情，擔心小朋友中招。」  

「我叫個女番學要帶兩個口罩，佢話：媽咪你想焗死我咩！」  

「我都已經好小心，帶兩個口罩，出完街都會換哂衫，係咁噴消毒，個人好緊張，放鬆唔到。」  

更有家長對受苦節網上聚會的場景感到好奇：  「我都知今日係耶穌既節日，我個女讀基督教學校，我同佢一齊睇老師播既片。睇到耶穌被釘死時，我個女話好驚唔敢睇……耶穌應該好高，所以兩隻腳要縮埋先釘到。」   

是次物資派發，除動用了流堂的社關基金，亦得到《食德好Food Grace》捐贈大批物資，並有弟兄姊妹分享的現金券及義工們一天的辛勞，實在感謝上帝的供應與帶領。