鄭志立 Jeffery

「而家啲大佬，話就話照你一世，淡定冇閉翳，咪又係打生打死，轉吓眼就俾 O 記泵埋，耶穌唔會俾 O 記泵，就算佢俾人對冧咗都好啦，三日之後就復活升天喇」，而家啲大佬所講嘅，係喺世界上追求嘅一切，看似追求到，就可以無憂，但只有被耶穌救，先有真正嘅無憂。

在我而言，洗禮前同洗禮後嘅分別唔大，基督徒仍然要作基徒，香港人仍然係香港人，打工仔仍然係打工仔，那又如何。

但我喜歡 flow church 對洗禮嘅睇法：洗禮唔係功能，唔係洗咗禮代表可以領聖餐，代表可以事奉，代表係會友。洗禮係一個儀式，一個公開承認上帝係我大佬嘅儀式。

「跟耶穌，一封利是都唔使俾，劈低曬以前嘅衰嘢，跟佢由頭做起，佢唔會嫌你底花㗎。」耶穌唔會嫌我個底花，係因為十架上你恩典傾出洗去我罪尤。我承認自己有罪，我自認為無法搞掂，唯有耶穌。

喺呢個世界上，好容易忘記自己係兵定賊，

陳永仁問：咁你係咪想我日日都提住自己係差佬，發開口夢都識講，放低槍！我係差佬！係，基督徒就係要每日都提自己，我係基督徒，我要選擇行上帝想我行嘅路。黃 sir 問，韓琛幾時入貨呀，陳永仁晦氣回答：唔知呀，諗多陣後答：一個禮拜後。基督徒，洗完禮後，仍然會有「舊我」，但最後，仍然會選擇正確嘅路。

緊握的手此刻決意放開

倒空一心己意 才能盛載更多

我以一生的日月來回應祢

永不止息的恩典 配得讚美

所以我藉著洗禮歸入死，與他同葬，為的是要我過新生命的生活，像基督藉著父的榮耀從死人中復活一樣。

見証錄音：