蘇溢傑 Samuel So

神最溫柔的帶領

好多人信主可能係經歷咗一啲好大嘅難關或者患難，但我發覺，神係用咗一種最溫柔嘅方式嚟搵我。

由最初陪太太返教會，到後來慢慢融入、甚至最後做埋教會嘅全職同工，呢段路對我嚟講，係每日一點一滴咁體驗番黎嘅。我唔需要喺好痛苦嘅經歷入面先見到神，反而係喺每日嘅服事、同大家相處嘅細節入面，慢慢感受到佢嘅真實。神好有耐性，佢無急住要我變，而係喺呢種細水長流嘅日子入面，俾我慢慢認識佢。

信仰最緊要係一個「信」字

喺教會做同工之後，我有咗一個好深嘅體會。我發現信仰嘅重點唔係在於我要去「做」幾多嘢，而係在於一個「信」字。

呢種「信」，唔係話心入面知有神就夠，而係當面對唔同嘅事或者未知嘅時候，我係咪真係願意放手交託俾神。我學到，最緊要嘅係我信佢、靠佢，當我願意單純咁去「信」嘅時候，嗰份從神而嚟嘅平安先至係最真實嘅。

今日受洗，對我嚟講絕對唔係「畢業」，而係一個基督徒生命嘅「起點」。喺預備浸禮嘅過程入面，我更加認清咗自己同神嘅關係，佢係我嘅神，我係佢嘅兒女。

我知道由今日開始，我同神嘅關係係進入咗一個新嘅階段。未來的路仲好長，我依然要喺同工嘅崗位上、喺生活入面繼續學習。我知道呢個只係我同神一齊行嘅「剛剛開始」，我會繼續學習點樣每日去信靠佢。

見証錄音：